Zabuli 61 - KITAWO MALEŊ

Kwayo ma kikwonga

¹ Winji ywak paran, Awi Were, winji kwayo paran;

² wok i gike ma piny alwoŋin, kacunyan podho. Telan i tele mabor loyan;

³ kole iŋat'ibedo kapondo paran, kisul matek kwoŋ jokwor.

⁴ Weyi abedi i wema perin cil gi cil, anwaŋ kabedo ma bu teko i bwombin!

⁵ Kole in, Awi Were, itieko winjo cikirok paran, itieko miyan gir'alunja pa ji ma jolworo nyingin.

⁶ Weyi kere woyindira; weyi oro pere wociri luse je!

⁷ Weyi go wodhum cil gi cil ruwaŋ Were; kur go gi mar perin makiwire gi genirok perin.

⁸ Ameno alawero pak ri nyingin noknok, paka aculo cikirok paran kisi ndelo.