Zabuli 3 - KITAWO MALEŊ

Kwayo m'odikin ri kony

¹ Awi Rwoth athothi gi jokwor, ji kweth jowire kwoŋan!

² Joluwo kwoŋan aka jowaco ni, “Were kilakonyo go.”

³ To in Rwoth, ibedo kwot paran i teko, imiyan dwoŋ, aka iŋat'itiŋo wiyan malo.

⁴ Aywak malo ri Rwoth, aka go dwokan gi wi got pere maleŋ.

⁵ Ariere piny t'anindo, t'acew kendo, ato Rwoth kwonga an.

⁶ Akibwok ro jokwor ganin, ma jothokan i kisi thenge.

⁷ Ay, Awi Rwoth! Bothan, Awi Were paran. Ipayo lembi jokwor paran je ituro woko lak jokidakana.

⁸ Loyo wok bongi Rwoth, weyi go womiy ji pere silwany!