Zabuli 20 - KITAWO MALEŊ

Kwayo ma loyo

¹ Rwoth wodwokin i ndelo ma teko! Nyingi Were pa Yakobo wokwonga in!

² Rwoth wodhiri rin kony wok i Ot pa Were, aka wothielin wok i got Zayon.

³ Rwoth wopoy mic perin je, aka wosangala gi cowirok perin je.

⁴ Womiyin gima cunyin mito, aka wokethi can perin je wotundi i kare.

⁵ Weyi wakok gi kisangala ri loyo perin aka watiŋ bendera mawan i nyingi Were mawan. Weyi Rwoth wodwoki kwac perin je.

⁶ Onyo aŋeyo ni Rwoth miyo loyo ri kere pere m'oyero, dwoko go wok i polo maleŋ, aka miyo go loyo madwoŋ gi meni pere.

⁷ Jomegi joketho noro i cawilin aka jomegi i kayina, to noro mawan nitie i nyingi Rwoth Were mawan.

⁸ Kiti ji no jobino cer to jopodho, to wan wabino ay to wacungo m'ocwiny.

⁹ Miy kere loyo, Awi Rwoth, dwoki wan ka walwoŋo.