Zabuli 137 - KITAWO MALEŊ

Ywak pa Joisiraili i piny man

¹ Gi thengi malawin ma Babilon, kenyo wabedo piny to waywak, munyo wapoyo Zayon.

² I jangi yen ma kanyago, waŋawo tongol mawan.

³ Kole kenyo jom'omako wan, jomito ni wawer rijo, aka joma cando wan jowaco riwan ni, “Wer win riwan acel kwoŋ wer ma Zayon!”

⁴ Wanower nedi wer pa Rwoth, i piny pa jopath?

⁵ Ka wiyan owil kodin, awi Yerusalem, weyi cingan maracuc wolimi nyaŋinya!

⁶ Weyi lewan womok i dandan, ka wiyan owil kodin, k'akiketho Yerusalem malo ma kisangala paran maloyo.

⁷ Poyi, Awi Rwoth, kwoŋ Joedom ndelo ma podho pa Yerusalem, paka jowaco ni, “Reyi woko, reyi woko! Wopodhi kiri i kindi mere!”

⁸ Awi ji ma Babilon, wilarere! Jasilwany a ŋata culo kwoŋin, kwor ro gima witieko timo riwan!

⁹ Silwany bino bedo ri ŋata kwanyo, nyithindho perin to ŋidho jo kwoŋ tele.