Zabuli 126 - KITAWO MALEŊ

Kwayo ri gonyirok

¹ Munyo Rwoth odwoko wan i Yerusalem, ocale pa oyido waleko!

² Dhok wan opoŋ nyero, to lew wan poŋ koko ma kisangala. Kenyo nonin man jowaco ni, “Rwoth otimo gimadwoŋ rijo.”

³ Rwoth otimo gimadwoŋ riwan, aka wasangala.

⁴ Rwoth, dwoki wan i lowo mawan kendo, paka koth dwoko pi i lowo opalipat yupiny ma Kanan.

⁵ Weyi jono ma jocwoyo gi pigi waŋ jo, jowokec gi koko ma kisangala.

⁶ Jono ma jokadho gi kodhi acwoya, munyo joywak, jobino dwoko pecin pajo gi koko ma kisangala, munyo jotiŋo keco pajo.