Zabuli 124 - KITAWO MALEŊ

Foyo ri gonyirok pa Isiraili

¹ Kabedi Rwoth oyido k'obedo i thenge mawan, dwoki, awi Isiraili!

² Kabedi Rwoth k'obedo i thenge mawan, munyo jokwor mawan jomonjo wan,

³ dinyo jomwonyo wan makwo, munyo nge pajo oliel kwoŋ wan;

⁴ dinyo mikula pi omol gi wan, dinyo pi omwonyo wan,

⁵ t'asur pi munyo wan.

⁶ Pak win Rwoth, ma k'oweyo jokwor mawan reyo wan.

⁷ Wabudhere paka winyo, wok i bwo pa jaciko, bwo otur, aka wabudhere.

⁸ Kony mawan nitie i nyingi Rwoth, m'ocweyo polo gi piny.