Zabuli 122 - KITAWO MALEŊ

Kwayo ri Yerusalem

¹ Awinjo gi kisangala munyo owaci ran ni, “Weyi wakadhi i Ot pa Rwoth!”

² Tiendi wan oyido ocungo, i waŋkac perin, Yerusalem!

³ Yerusalem, ogeti paka tindi madwoŋ, m'omakere matek.

⁴ Ka ama nonin jobino i iye, nonin pa Rwoth, foyo Rwoth, cungo kwoŋ Or pere.

⁵ Kenyo ama kerin ma Isiraili, jobed'iye thumo banja ri ji pajo.

⁶ Kway ri siem pa Yerusalem! “Weyi jono ma jomarin jowoyindira.

⁷ Siem wobedi i cel perin, Piny wokwe iy'acurcur perin.”

⁸ Ro wade paran gi merin, awaco ri Yerusalem ni, “Siem wobedi kodin!”

⁹ Ro Ot pa Rwoth Were mawan, abino rango bero perin.