Zabuli 12 - KITAWO MALEŊ

Kwayo ri kony

¹ Rwoth, kony, kole ongoye ŋata lworo Were. Joma timo adieri je jokinwaŋere i dier wot ji.

² Kisi nyatoro wondo jager pere, jopelere aka joluwo gi cuny gin ario.

³ Rwoth thum woko lew gin ma jopelere gine, tweyi dhok ji ma jopakere gine,

⁴ aka jowaco ni, “Wanwaŋo gima wamito gi lew wan, wawaco gima wamito, aka ongoye ŋata bino cero wan.”

⁵ To Rwoth waco ni, “Kwoŋbedo idiyo jocandi, aka ji m'icando jodwanyere i litho, onyo abino ay, t'akwonga jo.”

⁶ Cikirok pa Rwoth obedo cikirok macil, paka feza mangil m'oyuy i mac dibirio.

⁷ In Rwoth, ilakikwonga wan, aka ilagwoko wan kwoŋ luse ji me kicutho.

⁸ Jokidakana joywore kisi kamoro, kisi dhano pako gimarac.