Zabuli 110 - KITAWO MALEŊ

Rwoth gi Kere pere m'oyero

¹ Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

² Rwoth dhiro wok i Zayon, luth perin matek. Dhumo i dier jokwor perin!

³ I ndelo ma meni perin onyuthere iye, ji perin wegi jolamiyere rin. Paka thoyo ma ŋamba, cwo perin ma nyaka joay jolabino, bongin i wi tendere maleŋ.

⁴ Rwoth otieko kwoŋirok, aka kilawiro paro pere. Ibedo kere ma cil gi cil luwo kwoŋ Melikizedek.

⁵ Rwoth nitie i cingin maracuc, go bino kikengila kerin i ndelo ma keme pere.

⁶ Go bino thumo banja ri nonin, to poŋo kalweny gi delkwoŋ ji m'otho; go bino kikengila kerin je ma piny.

⁷ Kere bino madho pi ma wok i waŋ pi ma thengi royo, to cungo gi loyo.