Zabuli 11 - KITAWO MALEŊ

Ywomo cuny i Rwoth

¹ Apondo i Rwoth, inyalo nedi waco ran ni, ay paka winyo ikadhi wi gote,

² kwoŋbedo jokidakana jociko asere pajo, cwowo ji mabeyo i mudho.

³ Ka kisi gimoro rere, jomaber jotimi aŋo.

⁴ Rwoth nitie i Ot pere maleŋ, kom pere ma dhum nitie i polo. Go neno ji i iye je, aka ŋeyo gima jotimo.

⁵ Go kaŋasa jomabeyo gi jokidakana marom, aka odak jomaker gi cunye je.

⁶ Go dhiro cuk mac maliel, kodi mac manyatongweno maŋwe marac kwoŋ jokidakana, miyo jo gir'acula gi koyo malieth.

⁷ Rwoth timo tiro aka omaro tim maber, jono ma jotimo gim'otire jobino neno go.