Zabuli 1 - KITAWO MALEŊ

Kitawo marapena Zab 1—41 Kisangala mar'adieri

¹ Jasilwany a ŋata, kwero rieko pa jokidakana, kosa kiluw tim pa joreco, kosa kiriwere gi ji ma bukony ri Were.

² To nwaŋo kisangala i luwo cik pa Rwoth, aka fonjere kwoŋe wor g'odieceŋ.

³ Ŋato cale yath m'opidhi i waŋ pi ma mol ma nyak i ndir pere, aka boke mere kithwo. Kisi gima go timo yindira.

⁴ To jokidakana jokical ameno jocale yuk ma koyo kwadho woko.

⁵ Riameno Were bino thumo banja ri jokidakana, aka k'oriw jo gi joma timo gim'otire.

⁶ Kole Rwoth kwonga, aka telo joma timo gim'otire, to jokidakana joluwo yo ma rerok.