Nehemia 11 - KITAWO MALEŊ

Ji m'oyido jobedo i Yerusalem

¹ Jotel jobedo i Yerusalem, aka ji jobolo kwir yero acel kwoŋ pecin apar ma ladoŋ bedo i tindi madwoŋ maleŋ Yerusalem, aka ji m'odoŋ jobedo i tindin madongo man kodi tindin.

² Ji jopako jono je ma joyeyo wegi bedo i Yerusalem.

³ Joisiraili megi, jocway ri Were i wi migam, Jolevi, jotic ma Ot pa Were, kodi nyikway ŋecin pa Solomon jodoŋ bedo i lim pajo i tindin ma Yuda. Me nyingi ji mar'adec ma Yuda ma jodoŋ bedo i Yerusalem.

⁴ Nyikway Yuda: Athaya, wod Uziya aka nyakwar Zekaria. Kwarere pere man jobedo: Amaria, Sefatiya, Mahalalel, nyikway Yuda wod Perez.

⁵ Maseya wod Baruk aka nyakwar Kolhoze. Kwarere pere man jobedo: Hazaya, Adaya, Yoyarib, kodi Zekaria, nyikway Sela wod Yuda.

⁶ Nyikway Perez je ma jobedo i Yerusalem obedo cwo 468 ma jolweny matek.

⁷ Nyikway Benyamin obedo: Salu, wod Mesulam aka nyakwar Yoyed. Kwarere pere man obedo Pedaya, Kolaya, Maseya, Ithiel, kodi Yesaya.

⁸ Gabai kodi Salai wade pa Salu. Kanyacel je oyido nitie jonono pa Benyamin 928 ma jobedo i Yerusalem.

⁹ Yowel wod Zikiri am'oyido obedo jatel pajo, aka Yuda wod Hasenuwa oyido obedo jatel mar'ario ma tindi madwoŋ.

¹⁰ Jocway ri Were i wi migam: Yedaya wod Yoyarib, kodi Yakin.

¹¹ Seraya, wod Hilikia aka nyakwar Mesulam. Kwarere pere man jobedo Zadok, Merayoth, kodi Ahitub m'oyido obedo jadwoŋ pa jocway ri Were i wi migam.

¹² Kanyacel je oyido nitie ji 822 ma nono me ma jotiyo i Ot pa Were. Adaya, wod Yeroham aka nyakwar Pelalia. Kwarere pere man jobedo Amizi, Zekaria, Pasur, kodi Malikija.

¹³ Kanyacel je oyido nitie jotel pecin 242. Amasay, wod Azarel aka nyakwar Ahizay. Kwarere pere man jobedo Mesilemoth kodi Imer.

¹⁴ Kanyacel je oyido nitie jolweny matek 128 i nono me. Jatel pajo oyido obedo Zabidiel wod Hagedolim.

¹⁵ Jolevi: Samaya, wod Hasub aka nyakwar Azirikam. Kwarere pere man jobedo: Hasabia kodi Buni.

¹⁶ Sabethay kodi Yozabad, jotel pa Jolevi m'oyido jotelo tic ma woko ma Ot pa Were.

¹⁷ Matania, wod Mika aka nyakwar Zabidi wod Asaf. Go otelo jower ma Ot pa Were wer kwayo ma foyo. Bakbukia m'oyido obedo jakony pa Matania. Abida wod pa Samuwa aka nyakwar Galal kodi Jeduthun.

¹⁸ Kanyacel je oyido nitie Jolevi 284 ma jobedo i tindi madwoŋ maleŋ Yerusalem.

¹⁹ Jokur ma Ot pa Were: Akub, Talmon, kodi wade pajo, kanyacel je 172.

²⁰ Joisiraili m'odoŋ, jocway ri Were i wi migam, kodi Jolevi jobedo i lim pajo wegi i tindin madongo man kodi tindin man i Yuda.

²¹ Jotic ma Ot pa Were jobedo iy'adec ma Yerusalem m'ilwoŋo ni Ofel aka Ziha kodi Gispa am'oyido jotelo jo.

²² Uzi wod Bani aka nyakwar Hasabia, am'oyido obedo jatel pa Jolevi i Yerusalem. Kwarere pere man jobedo: Matania, kodi Mika. Go oyido obedo janono pa Asaf, m'oyido jobedo jower aka jotic ma Ot pa Were.

²³ Kere ma Pasia am'oyido miyo jo or ma weso ma wer i Ot pa Were kisi ndelo.

²⁴ Pethahia, wod Mesezabel, aka janono pa Zera aka Jayuda, am'oyido pido ri Joisiraili i Pasia.

Joyuda m'oyido jobedo woko ma Yerusalem

²⁵ Ji ma Yuda megi oyido jobedo i tindin macegin gi ndelin pajo: Kiriath Arba, Dibon, Jekabzel,

²⁶ Yesuwa, Molada, Bethpelet,

²⁷ Hazarsual, Berseba,

²⁸ Ziklag, Mekona,

²⁹ Enrimon, Zora, Yarmuth,

³⁰ Zanowa, Adulam Lakis, kodi Azeka. Ameno jobedo iy'adec manitie i dier Berseba yupiny kodi i milelo ma Hinom yumalo.

³¹ Jonono pa Benyamin oyido jobedo i Geba, Mikmas, Ay, Bethel kodi calin macegin kenyo.

³² Anathoth, Nob, Anania,

³³ Hazor, Rama, Gitayim,

³⁴ Hadid, Zeboyim, Nebalat,

³⁵ Lod, kodi Ono, kodi i Milelo pa Jocwey gigipiny.

³⁶ Kitipin pa Jolevi megi m'oyido jobedo iy'adec ma Yuda omiy jo bedo gi jonono pa Benyamin.