Jolevi 13 - KITAWO MALEŊ

Cik ma mako kwoŋ two dhowo

¹ Rwoth owaco ri Musa kodi Aron ama:

² Ka dhano nitie kodi gim'okwot, bur kosa gim'othon i delkwoŋe to lokere two dhowo i delkwoŋe, nyaka inyalo kelo go bongi Aron jacway ri Were i wi migam kosa bongi acel kwoŋ wote ma jobedo jocway ri Were i wi migam.

³ Jacway ri Were i wi migam bino kikaŋasa two manitie i delkwoŋe, aka ka yer mar'adec ma two omako olokere matar, to two neno maluth loyo pien ma delkwoŋe, obedo two dhowo; ka jacway ri Were i wi migam otieko kikaŋasa go, latuco ni go olony.

⁴ To k'adec ma pien ma delkwoŋe tar, aka kicale pa thuth loyo pien, aka yer ma kwoŋe fodi k'olokere matar, jacway ri Were i wi migam lakano jatwo ma ndelo abirio.

⁵ Jacway ri Were i wi migam bino kikaŋasa i ndelo mar'abirio, aka k'oneno ni otiek kikaŋasa two aka fodi k'onyay i pien, to jacway ri Were i wi migam medo kano go ma ndelo abirio man.

⁶ Jacway ri Were i wi migam lakikaŋasa go kendo i ndelo mar'abirio, aka ka two oleny aka fodi k'olak i pien, jacway ri Were i wi migam latuco ni go olony; obedo nyaka gim'otula; go lalwoko nangin pere, to bedo m'olony.

⁷ To ka kam'otawa onyay i pien ka go otieko nyuthere ri jacway ri Were i wi migam ri lonyo pere, go lanyuthere kendo ri jacway ri Were i wi migam.

⁸ Jacway ri Were i wi migam bino kikaŋasa go kendo, aka ka kam'otawa no otiek lak i pien, jacway ri Were i wi migam latuco ni go k'olony; obedo two dhowo.

⁹ Ka two dhowo omako dhano, ilakelo go bongi jacway ri Were i wi migam;

¹⁰ jacway ri Were i wi migam bino kikaŋasa go, aka ka nitie gim'okwot matar i pien m'oloko yer matar, aka nitie ringo manumu madongo piyo kam'okwot,

¹¹ obedo dhowo makicangi i pien ma delkwoŋe, aka jacway ri Were i wi migam latuco ni go koc; go k'ocegi go, rupiri go koc.

¹² To ka dhowo obino abwap i pien, m'onyalo umo pien pa jadhowo gipi wok i wiye kiri i tiende, ma jacway ri Were nyalo neno,

¹³ nyaka jacway ri Were i wi migam bino kikaŋasa, aka ka dhowo oumo kwoŋe gipi, go latuco ni go olony paka gino otieko lokere je matar, go olony.

¹⁴ To ka ringo manumu omenyere kwoŋe, go labedo makoc.

¹⁵ Aka jacway ri Were i wi migam bino kikaŋasa ringo manumu, to tuco ni go koc; ringo manumu koc, kole obedo dhowo.

¹⁶ To ka ringo manumu olokere kendo matar, go labino bongi jacway ri Were i wi migam;

¹⁷ jacway ri Were i wi migam bino kikaŋasa go, aka ka two olokere matar, jacway ri Were i wi migam latuco ni jatwo olony. Go olony.

¹⁸ Aka ka nitie i pien ma delkwoŋ nyatoro bur m'ocango,

¹⁹ aka i kabedo pa bur to menyere gima kwot matar kosa kamoro m'obokere matar, iripo nyutho jacway ri Were i wi migam.

²⁰ To jacway ri Were i wi migam bino kikaŋasa, aka ka neno pa luth loyo pien, aka yer mere otieko lokere matar, nyaka to jacway ri Were i migam latuco ni go koc; obedo two ma dhowo, m'ocakere i bur.

²¹ To ka jacway ri Were i wi migam okaŋasa aka yer ma wiye kitar, kosa kiluth loyo pien, to bedo ma nimnim, jacway ri Were i wi migam lacego go ma ndelo abirio.

²² K'onyay i pien, jacway ri Were i wi migam latuco ni go koc; two omako.

²³ To k'adec no odoŋ i kabedo acel aka kinyay, obedo alama ma bur; jacway ri Were i wi migam latuco ni go olony.

²⁴ Kosa, ka del nitie g'awaŋa i pien to ringo manumu mar'awaŋa lokere kam'otawa, m'obokere matar kosa matar,

²⁵ jacway ri Were i wi migam lakikaŋasa. Ka yer ma kam'otawa otieko lokere matar aka neno thuth loyo pien, meno dhowo; otieko cakere i waŋ, aka jacway ri Were i wi migam latuco ni go koc. Obedo two dhowo.

²⁶ To ka jacway ri Were okaŋasa to yer ma kam'otawa k'obedo matar, aka kithuth loyo pien to nimnim, jacway ri Were i wi migam lacego go ma ndelo abirio.

²⁷ Jacway ri Were i wi migam bino kikaŋasa go i ndelo mar'abirio; ka nyay i pien, jacway ri Were i wi migam latuco ni go koc. Obedo two dhowo.

²⁸ To ka poyo no odoŋ i kabedo acel to bedo ma k'onyay i pien to bedo ma nimnim, meno adhola m'owok i waŋ, aka jacway ri Were i wi migam, latuco ni go koc; kole meno poyo ma waŋ.

²⁹ Ka jacwo kosa dhako nitie gi two i wiye kosa i ye tike,

³⁰ jacway ri Were i wi migam bino kikaŋasa two no. Ka nenere ni thuth loyo pien aka yer ma iye obedo manyatongweno aka olwiriri, jacway ri Were i wi migam latuco ni go koc; obedo gima yilo jo, dhowo ma wic kosa ma ye tik jo.

³¹ Aka ka jacway ri Were i wi migam okaŋasa two ma yilo jo no to nenere ni kithuth loyo pien aka ongoye yer macol iye, jacway ri Were i wi migam bino cego ŋata nitie gi two ma yilo jo ma ndelo abirio.

³² I ndelo mar'abirio, jacway ri Were i wi migam bino kikaŋasa ŋwenyirok; aka ka ŋwenyirok fodi k'onyay, aka ongoye yer manyatongweno iye, aka ŋwenyirok kicale pa thuth loyo pien,

³³ go lalielo wiye kwanyowoko adec macegin g'adhola. Jacway ri Were i wi migam kenyo lapano go ma ndelo abirio man.

³⁴ I ndelo mar'abirio, jacway ri Were i wi migam bino kikaŋasa adhola pere kendo, aka kafodi k'onyay aka kicale pa thuth loyo pien m'othoko, go latuco ni go olony. Ŋato lalwoko nangin pere, to lokere m'olony.

³⁵ To ka ŋwenyirok onyay k'otiek tuco ni go olony,

³⁶ jacway ri Were i wi migam bino kikaŋasa go. Ka ŋwenyirok otieko nyay i pien, jacway ri Were i wi migam kiripi dwaro yer manyatongweno, ŋato, olony.

³⁷ To k'otemi neno ŋwenyirok i waŋe, aka yer macol odoŋ'iye, ŋwenyirok ocango, ŋato olony; aka jacway ri Were i wi migam latuco ni go olony.

³⁸ Ka jacwo kosa dhako nitie gi kam'otawa i pien ma del, kam'otawa matar,

³⁹ jacway ri Were i wi migam lakikaŋasa, aka ka kam'otawa ma pien ma del obedo matar ma nimnim, obedo gim'okonjere m'ocakere i pien; go olony.

⁴⁰ Ka nyatoro moro je orweny yer wok i wiye, go japata to go olony.

⁴¹ K'orwenyo yer ma nyime kodi yutoke, go nitie gi pata ma nyime to go olony.

⁴² To ka nitie i pata kosa i pata ma nyim jo kam'otawa manitie iye two m'obokere matar, meno obedo dhowo m'ocakere i pata pere kosa i pata ma nyime.

⁴³ Jacway ri Were i wi migam bino kikaŋasa go; ka kama two m'okwot obedo m'obokere matar i pata pere kosa i pata pere ma nyime, ma cale dhowo paka menyirok pa dhowo i pien ma del,

⁴⁴ go obedo jadhowo, go koc. Jacway ri Were i wi migam latuco ni go koc; two pere nitie i wiye.

⁴⁵ Jadhowo manitie gi two bino ruko kutu to weyo wiye jaŋ, to umo dhoke ma malo to koko ni, “Ma koc, makoc.”

⁴⁶ Go bino doŋ makoc ka go fodi two; go koc. Go bino bedo kakende; kabedo pere labedo woko ma kambi.

⁴⁷ Ma mako nangin: Ka nitie two dhowo i nanga, obedi mafoth pa pien rombo kosa law,

⁴⁸ i wiy nyawote, kosa ma law kosa nanga ma yer rombo kosa i pien kosa i kisi gimoro je m'otimi gi pien,

⁴⁹ ka two onyuthere manyaboke pendi kosa m'obokere i nanga, kam'odole, kosa ma pien, kosa i pien, kosa i gimoro je m'otimi gi pien, obedo two dhowo aka iripo nyutho jacway ri Were i wi migam.

⁵⁰ Aka jacway ri Were i wi migam bino kikaŋasa two, to cego kama nitie two no ma ndelo abirio.

⁵¹ Jacway ri Were i wi migam bino kikaŋasa two i ndelo mar'abirio. Ka two otieko nyay i nanga, kam'odole, kosa i pien, kad'obedi ni pien ioro ma ginaŋo, obedo two dhowo ma nyay, koc.

⁵² Go bino waŋo nanga, obedi ni two nitie kam'odole, gima nyayer rombo kosa law, kosa i gimoro je m'otimi gi pien, obedo dhowo ma nyay, iripo waŋo i mac.

⁵³ Ka jacway ri Were i wi migam okaŋasa, to two fodi k'onyay i nanga, kam'odole, kosa i gimoro je ma pien,

⁵⁴ jacway ri Were i wi migam bino oro jo lwoko gima two niye, to ketho gicen ma ndelo abirio man.

⁵⁵ Jacway ri Were i wi migam bino kikaŋasa gino k'otiek lwoko. K'adec ma two niye no fodi k'owiro cal, kada two fodi k'onyay, obedo gimakoc; iripo waŋo i mac, kad'obedi ni kama di dhowo nitie yucen kosa yuwiye.

⁵⁶ Ka jacway ri Were i wi migam okaŋasa, to two lokere ma nimnim munyo otiek lwoko, go ripo yeco adec kwoŋ nanga, i kam'odole kosa kwoŋ pien.

⁵⁷ K'onenere kendo i nanga, i kam'odole, kosa i gimoro je ma pien, meno nyay; iripo waŋo gi mac gino kama two nener'iye.

⁵⁸ To nanga, kam'odole, kosa gimoro je m'otimi gi pien ma two nener'iye k'itieko lwoko, nyaka ibino lwoko madirio, aka bino bedo m'olony.

⁵⁹ Me obedo cik ma two dhowo i nanga ma pien rombo kosa i law, obedi kam'odole, kosa i gimoro je m'otimi gi pien, ma ridho ni olony kosa koc.