Kitawo mar'abic mapa Musa m'ilwoŋo ni Cik 34 - KITAWO MALEŊ

Tho pa Musa

¹ Musa oidho malo wok i kam'obipere ma Mowab kiri i Got Nebo, wi Pisiga yuwaŋ Yeriko, aka Rwoth onyutho go lowo je, wok i Giliad tundo kiri Dan.

² Nafital je, lowo ma Efrayim je kodi Manase, lowo ma Yuda je tundo kiri i nam ma yuwok ceŋ.

³ Yupiny, kigoda ma milelo ma Yeriko, tindi madwoŋ ma yen thith, tundo kiri i Zowar.

⁴ Rwoth owaco rigo ni, “Me a lowo m'akwoŋere ri Abraham, Isaka kodi Yakobo, k'awaco ni, ‘Alamiyo nyikway win.’ Atieko miyin ineno gi waŋin, t'ikilatundo koro.”

⁵ Musa, ŋeca pa Rwoth otho kenyo, i lowo ma Mowab, paka Rwoth owaco.

⁶ Oyiki go i milelo i lowo ma Mowab, kam'otitere gi Beth Pewor, t'ongoye ŋat'oŋeyo kam'oyik'iye go kiri konon me.

⁷ Musa otho munyo jaoro miya acel gi piero ario. Waŋe oyido fodi neno, aka go oyido fodi tek.

⁸ Joisiraili joywako Musa ma ndelo piero adek i milelo ma Mowab, kenyo hongo ma ywako Musa otundo i gike.

⁹ Yosuwa wod pa Nun oyido opoŋ gi cuny ma rieko; rupiri Musa oyido otieko ketho cinge kwoŋe. Aka Joisiraili jowinjo go, timo paka Rwoth oyido omiyo Musa or.

¹⁰ Ongoye kendo jatuci wac Were m'obedo i Isiraili m'ocalo Musa, ma Rwoth oyido oŋeyo awaŋ, g'awaŋ.

¹¹ I ranyuth je, kodi gir'aura ma Rwoth ooro go timo i lowo ma Misir, ri Farawo, ŋecin pere kodi lowo pere.

¹² I cingi go ma meni, kodi gigipiny madongo ma kelo lworo, ma Musa otimo ruwaŋ Isiraili je.