Agecin 19 - KITAWO MALEŊ

¹ Bedo jacandi munyo iwotho iy'adieri ber, loyo bedo jatwodo mamiŋ.

² Kiber dhano wobedi m'ongoye gi ŋeyo, aka ŋata jakwakirok rwenyo gi yo.

³ Miŋo pa dhano won reyo woko go, kucel cunye mako nge gi Rwoth.

⁴ Jaŋaŋo bedo gi merin kweth, to jacandi bedo kakende.

⁵ Ŋata luwo gitwodo i kapido lalimo gir'acula, aka jatwodo kilaboth.

⁶ Ji kweth jodwaro wor wok bongi jodongo, aka kisi dhano mito bedo mere pa ŋata nyutho wor.

⁷ K'inen kiri wade pa jacandi jodak go, t'onyo kosa merin pere jodak go nedi.

⁸ Ŋata limo rieko omaro kwo pere, aka ŋata kuro niaŋ lalimo gimaber.

⁹ Ŋata luwo twodo i kapido lalimo gir'acula, aka jatwodo kilaboth.

¹⁰ Kiripi ri jacandi bedo gi kwo ma ŋaŋo, kosa ri ŋeca dhumo jodhum.

¹¹ Jono ma joniaŋ jokimaki nge piyo, aka obedo dwoŋ rijo cayo raco m'otimi rijo.

¹² Nge pa kere cal simbwor ma hola, to wor pere cal thoyo i lum.

¹³ Nyathi mamiŋ obedo kisika ri bamere, aka dhaw pa dhako cal koth ma nyidho ma kicoki.

¹⁴ Ot gi lim ilunjo wok bongi jonywol, to dhako ma niaŋ ilimo wok bongi Rwoth.

¹⁵ Nyapo kelo nindo kende, aka dhano ma gayagaya lacandere kec.

¹⁶ Jono ma jokuro or jolakwo, to jono ma jokikure i yo pajo jolatho.

¹⁷ Ŋata nyutho jocandi wor cal ŋata kopa Rwoth gimoro, aka Rwoth laculo go m'opoŋ.

¹⁸ Miy nyithindho gir'acula kafodi jonyalo fonjere, aka ikir'iwey joworere.

¹⁹ Dhano ma ja nge kweth ripo tiŋo gima wok'iye, k'ibotho go dicel, yikere botho go kendo.

²⁰ Winji mic rieko, aka yey fonji, ŋey inyal limo rieko ri kwo ma yuwaŋe.

²¹ Dhano nyalo bedo gi can kweth i cunye, to atoŋa pa Rwoth ama latundo i kare.

²² Gima mitere i dhano obedo adieri, aka ber bedo jacandi makiweno jatwodo.

²³ Lworo Rwoth obedo kwo adieri, k'ipoŋ gine ilabedo ma bu teko.

²⁴ Ŋata nyap lutho cinge i bakul, to kinyal kiri dwoko i dhoke.

²⁵ Miy jaminyom gir'acula, aka ŋat'ongoye gi niaŋ lafonjere, fonji ŋatariek aka lamedo rieko.

²⁶ Ŋata yeto bamere aka riemo woko yokimere peco, kelo wickwot g'amien.

²⁷ Nyathi paran, ikir'iwey winjo fonji gi wac ma rieko.

²⁸ Ŋata luwo gitwodo i kapido nyoma tiro, aka dhok jakidakana mwonyo gimarac.

²⁹ Gir'acula kuro jominyom, gi goco ri dieŋey jomamiŋ.