Agecin 18 - KITAWO MALEŊ

¹ Ŋata bedo kakende bedo jagwondo, aka cayo kisi gima dhano je oŋeyo ni otire.

² Jamiŋo kidew niaŋ kwoŋ gimoro, kwanyo woko go timo gima cunye mito.

³ Kidakana gi cay kadho kanyacel, aka wickwot kelo sewirok.

⁴ Wac ma wok i dhok dhano obedo pi maluth, aka waŋ rieko obedo pi ma mol.

⁵ Kiber timo nyakucel ri ŋata jabanja, kosa wiro banja ri ŋata bubanja.

⁶ Wac ma wok i dhok jamiŋo kelo dhaw, aka luwo pere kelo goco.

⁷ Wac ma wok i dhok jamiŋo kelo kisika pere, aka luwo pere bedo bwo rigo.

⁸ Wac pa jamwoŋo cale cemo mamit m'icamo gi woro, donjo i iy jo piyo.

⁹ Ŋata liwere i tic, rom gi dhano ma janyeki gigipiny.

¹⁰ Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

¹¹ Lim pa joŋaŋo obedo tindi madwoŋ pajo matek, joneno lim pajo paka kor ot m'oŋawere i paro pajo.

¹² Rerok bino ro bedo gi noro ma cuny jo, to mwolok ama kelo dwoŋ.

¹³ Ka dhano dwoko penji mafodi k'owinjo, meno obedo miŋo giwickwot.

¹⁴ Cuny dhano nyalo ciro arama, to ŋa manyalo ciro cuny m'otur?

¹⁵ Paro mariek mito ŋeyo, aka ithi jarieko dwaro ŋeyo.

¹⁶ Miyo mic yawo thigin, aka yawo royo neno jomadongo.

¹⁷ Ŋata otelo kiosa neno ni otire, cuka ŋat'oosa obin to cako penjirok gi go.

¹⁸ Bolo kwir cowo piem, aka thumo banja i dier jomeni ario.

¹⁹ Wat m'itimo rigo kony, tek loyo tindi madwoŋ, to dhaw cal peta ma cego thigo.

²⁰ Dhano yeŋ gi gima wok i dhoke, aka limo gima wok i luwo pere.

²¹ Meni ma tho gi kwo nitie i lew jo, aka jono ma jomaro jolacamo olemo mere.

²² Ŋata nwaŋo dhako nwaŋo gimaber, aka limo wor wok bongi Rwoth.

²³ Jocandi joywakere gi mwolo, to joŋaŋo jomiyo radwok gi gero.

²⁴ Jomegi jorendere ni jobedo merin, to mere m'otire bedo cegin loyo wat ma k'osunga.