Zabuli 99 - KITAWO MALEŊ Catholic

Rwoth kere madwoŋ loyo

¹ Rwoth dhumo, weyi ji jowokirin. Go obedo i wi cwec ma jobwombi gin, aka piny yengere.

² Rwoth dwoŋ i Zayon, go dwoŋ loyo i dier nonin je.

³ Weyi jowopaki nyingi go madwoŋ ma kelo lworo. Go Leŋ!

⁴ Kere Majameni, aka omaro tiro, itieko kelo tiro i Isiraili, ikelo timo gim'otire gi timo adieri.

⁵ Pak win Rwoth Were mawan, lam ruwaŋ kom pere ma dhum! Go Leŋ!

⁶ Musa gi Aron oyido jobedo jocway ri Were i wi migam pere, Samwiri oyido obedo acel kwoŋ ji ma jolamo go, joywak ri Were, aka odwoko jo,

⁷ oluwo gi jo i siro ma pondeponde, jokuro cik gi Or m'omiyo jo.

⁸ Awi Rwoth Were mawan, idwoko ji perin, inyutho ni ibedo Were ma cwako, t'imiyo jo gir'acula ro reco pajo.

⁹ Pak win Rwoth Were mawan, aka lam wi got pere maleŋ! Kole Rwoth Were mawan leŋ.