Zabuli 97 - KITAWO MALEŊ Catholic

Were jadhum madwoŋ loyo

¹ Rwoth dhumo, weyi piny wofore, sangala win kigoda lowo ma nam.

² Pondeponde gi mudho thoko go, go dhumo m'otire kodi tiro.

³ Mac liel ruwaŋ go, aka waŋo woko jokwor ma jothoko go.

⁴ Lero pere menyo piny, piny neno aka kirin.

⁵ Gote joleny paka odok ruwaŋ Rwoth, ruwaŋ Rwoth ma piny gipi.

⁶ Polo tuco timo gitiro pere, aka nonin je joneno dwoŋ pere.

⁷ Kisi ŋata lamo cal je bedo giwickwot, ma jokwot gi cal ma bukony, werin je jokule piny ruwaŋ Rwoth.

⁸ Ji ma Zayon josangala, tindin madongo ma Yuda jofore, ro thumo banja perin, Awi Rwoth.

⁹ Kole in Rwoth ma jameni je, idhumo piny, idwoŋ loyo werin je.

¹⁰ Rwoth omaro jono ma jodak gimarac, go kwonga kwo pa ji pere, botho jo kwoŋ meni pa jokidakana.

¹¹ Lero menyo ri ji ma jotimo gim'otire, gi kisangala ri joma cuny gin olony.

¹² Fore win i Rwoth, joma timo gim'otire, aka foy win nyingi go maleŋ!