Zabuli 63 - KITAWO MALEŊ Catholic

Rango Were

¹ Awi Were, ibedo Were paran, aka arangin. Kwo paran gipi gomba in; paka kam'othwo, m'olacere, m'ongoye pi, riyo neko cunyan rin.

² Ameno atieko rango nenin i Kabedo Maleŋ, weyi anen meni gi dwoŋ perin.

³ Kole mar perin makiwire loyo kwo, dhokan lapakin.

⁴ Alafoyin kafodi akwo; alatiŋo cingan malo t'alwoŋo nyingin.

⁵ Adundo paran lacemo to yeŋ, aka dhokan lapakin gi wer mamit.

⁶ K'ariere i kanindo paran, apoyin; wor gipi aparo kwoŋin,

⁷ rupiri noknok itieko bedo jakony paran. I tipo ma bwombin awero gi kisangala.

⁸ Acwire kwoŋin, aka cingin maracuc thielan.

⁹ To ri jono ma jorango reyo kwo paran, jobino kadho i piny pa jom'otho.

¹⁰ Ibino neko jo i lweny, t'arara camo delkwoŋ jo.

¹¹ To kere lafore i Were; jono ma jotimo cikirok i nyingi Were jolapako go, to dhok jotwodo lamiyere.