Zabuli 4 - KITAWO MALEŊ Catholic

Kwayo m'othieno ri kony

¹ Dwokan, k'akwayin, Awi Were, kwot paran! Ikonyan munyo oyido anitie i teko. Onyo maki wor kodan idwoki kwayo paran.

² Onyo win ji wilaŋalan kiri keraŋo? Winomar gima bukony kiri keraŋo to widwaro twodo?

³ To poyi win ni Rwoth otieko yero joma lworo Were paka apere won, Rwoth winjan k'alwoŋo go.

⁴ Maki win nge to wokiri womiy win timo reco, pari win kwoŋ wac me, ka wiriere liŋ i kanindo mewin.

⁵ Miy win Rwoth cowirok m'otire, aka gen win i go.

⁶ Ji kweth jokwayo ni, “Bedi oyido wanen ye bero moro! Awi Rwoth, weyi lero ma waŋin woliel kwoŋ wan!”

⁷ To kisangala m'itieko miyan, thoth loyo ma jobedi gine, gi ŋano kodi vini pajo.

⁸ Ariere piny t'anindo i siem, ato in won kende, Awi Rwoth, ama gwokan.