Zabuli 26 - KITAWO MALEŊ Catholic

Kwayo pa ŋataber

¹ Awi Rwoth, wac ni abu banja, kole atimo gim'otire, aka aketho geno paran kwoŋin kicutho.

² Kaŋasa an aka iteman, Rwoth tem cunyan gi paro paran.

³ Mar perin makiwire telan, aka awotho iy'adieri perin.

⁴ Akiriwere gi ji ma bukony, akinyek sawa gi jorendirok.

⁵ Adaki cokirok pa jomarac, aka akiriwere gi jokidakana.

⁶ Rwoth, alwoko cingan ma nyutho ni abu banja, aka aŋanjo kareno alamo thoko migam perin.

⁷ Awero malo wer ma foyin, t'awaco kwoŋ tim perin ma gir'aura.

⁸ Awi Rwoth, amaro ot ma in ibed'iye, kabedo madwoŋ perin nitie i iye.

⁹ Ikir'ireyan woko gi joreco kanyacel, bothi kwo paran kwoŋ rerok pa jonek.

¹⁰ Ji ma jotimo raco kisi hongo aka joyikere jolo nyew.

¹¹ To paka ri an, atimo gim'otire, maki kodan wor aka ibothan!

¹² Acungo i yo m'otire, i dier cokirok pa ji pere, alapako Rwoth.