Zabuli 149 - KITAWO MALEŊ Catholic

Wer ma pak

¹ Pak Rwoth! Wer ri Rwoth wer manyen, pak Were i kacokirok pa jom'oyeyo!

² Weyi Isiraili wosangala i jacwec pere, weyi wot Zayon jowofore i kere pajo!

³ Weyi jowopaki nyinge gi miel; jowower rigo gi sasi kodi tongol.

⁴ Kole Rwoth limo kisangala i ji pere, go miyo dwoŋ ri jomamwol gi loyo.

⁵ Weyi jom'oyeyo jowoyodere i dwoŋ, weyi jowower ro kisangala wor gipi.

⁶ Weyi jowokoki malo ka jopako, g'abor mabith m'opak kor gi korin i cingi jo,

⁷ ma culo kwor kwoŋ nonin, gi miyo gir'acula kwoŋ ji,

⁸ ma tweyo kerin pajo gi lijegere, gi jotel pajo gi lijegere ma nyweny;

⁹ ma miyo jo gir'acula m'oyik con! Me obedo dwoŋ pa ji pere ma joyeyo je. Rwoth wopak!