Zabuli 148 - KITAWO MALEŊ Catholic

Lwoŋo ri polo gi piny pako Were

¹ Pak Rwoth! Pak Rwoth wok i polo, pak go i ŋawirok!

² Pak win go jomalaika pere je, pak win go wijolweny pere!

³ Pak win go waŋceŋ gi dwe; pak win go, micalin maliel je!

⁴ Pak win go, win polo m'oŋawere tektek, gi pi ma malo i polo!

⁵ Weyi jowopaki nyingi Rwoth! Kole go owodho or to jocweyere.

⁶ Go oketho jo ma cil gi cil, go oridho kew pajo ma kikalere.

⁷ Pak win Rwoth wok piny, win ogwaŋe ma nam gi lutho je,

⁸ lithkoth gi telin, pe gi fumbi, g'asur ma jowinjo or pere!

⁹ Gote gi tendere je, yen ma nyak olemo gi lule!

¹⁰ Ogwaŋe madudi gi dhok je, gigipiny ma mol gi kor jo gi winyin ma joay!

¹¹ Kerin ma piny gi ji je, jodhum gi jotel je ma piny!

¹² Yac gi nyir kanyacel, jom'oti gi nyithindho!

¹³ Weyi jowopaki nyingi Rwoth, kole nyingi go kende ama otiŋ malo loyo; dwoŋ pere yombo polo gi piny.

¹⁴ Go otieko loko nono pere matek, ŋey ji pere jowonyal pako go Joisiraili ma go lithi gine. Rwoth wopak!