Zabuli 129 - KITAWO MALEŊ Catholic

Kwayo kwoŋ jokwor pa Isiraili

¹ Noknok imonjan wok i soye paran, weyi Isiraili wowaci pama ni,

² noknok imonjan wok i soye paran, kucel jokikengila an.

³ Jotoŋo adhola m'odheth i dieŋeyan, to joloko ndelo m'ofur.

⁴ To Rwoth timo gim'otire; ogonyan kwoŋ twec.

⁵ Weyi jono ma jodak Zayon, wiy gin wokwoti aka woriem jo.

⁶ Weyi jowocal lum ma twi i wi ot, aka thwo mafodi k'odongo,

⁷ ongoye ŋat'ocoki, kosa otwey i wic.

⁸ Kucel ongoye ŋata luwo m'owaci ni, “Silwany pa Rwoth wobedi kodin! Wamiyin silwany i nyingi Rwoth!”