Zabuli 128 - KITAWO MALEŊ Catholic

Kemba ma winjo Rwoth

¹ Jasilwany a ŋata lworo Rwoth, ma wotho i yo pere.

² Tic perin lamiyin gim'imito, ilakisangala, aka gigipiny lakadho rin maber.

³ Dhako perin labedo paka vini ma nyak i peco perin, aka nyithindho perin jolacale yen oliv ma nyaka dongo thoko meza perin.

⁴ Ameno apaka ŋata lworo Rwoth, bino limo silwany.

⁵ Rwoth womiyin silwany wok i Zayon. Weyi ineni bero pa Yerusalem, i kwo perin je.

⁶ Weyi ineni nyikwayin! Siem wobedi gi Isiraili.