Zabuli 114 - KITAWO MALEŊ Catholic

Wer ma Kalima ma Kadho

¹ Munyo Joisiraili jowok i Misir, nyikway Yakobo wok i dier jopath,

² Yuda olokere ji pa Rwoth maleŋ, Isiraili olokere lim pere won.

³ Nam oneno to ringo, Yordan ocok mol.

⁴ Gote jopor paka megi rombo, tendere paka wot rombo.

⁵ Aŋo m'otimere, nam, m'iringo? Awi Yordan, raŋo icoki mol?

⁶ Awi gote, raŋo wipor paka megi rombo? Awi tendere, raŋo wipor paka wot rombo?

⁷ Kirini, Awi piny, ruwaŋ Rwoth, ruwaŋ Were pa Yakobo,

⁸ ma loko tele kidiwa ma pi, gi tele matek waŋ pi ma mol.