Zabuli 112 - KITAWO MALEŊ Catholic

Kisangala pa ŋataber

¹ Pak Rwoth! Jasilwany a ŋata lworo Rwoth, ŋata winjo maber luwo Or pere.

² Nyikwaye jobino bedo jomeni i piny; luse pa joma timo gim'otire jobino bedo gi silwany.

³ Peco pere bino bedo gi lim kodi ŋaŋo; aka bino kiyindira cil gi cil.

⁴ Ŋataber cal lero i mudho; jawor, jakisa, aka timo gim'otire.

⁵ Jasilwany a ŋata cunye yom aka kopa ji, aka timo mitan pere iy'adieri.

⁶ Kole joma timo gim'otire jokibino yengere, ibino poyo jo cil gi cil.

⁷ Go kibwoki winjo wac marac; cunye ocwiny, aka ketho geno pere i Rwoth.

⁸ Go kirembi kosa bwok, cuka onen kikengila pa jokwor pere.

⁹ Go miyo ma nono, miyo jocandi, wor pere bedo cil gi cil go bino bedo jameni aka ibino woro go.

¹⁰ Jokidakana joneno gime aka jomako nge; joneno gi dakirok aka jorwenyo, mito pere kitundi i kare.