Zabuli 101 - KITAWO MALEŊ Catholic

Cikirok pa kere

¹ Wer paran mako kwoŋ timo adieri gi tiro, aka abino wero rin Rwoth.

² Alaluwo yo ma bu apuse. Inobin bongan keraŋo? Alabedo gi cuny m'olony,

³ aka akibino ciro raco. Adaki tim pa ji ma jowire kwoŋ Were, akibino bedo gi gir'atima gi jo.

⁴ Abino bedo jar'adieri, aka akibino bedo jatwodo.

⁵ Abino reyo ŋatimoro je, ma luwo pokopoko kwoŋ ŋatiman. Akibino ciro janoro kosa jadhaw.

⁶ Abino nyutho ŋono ri jono ma jotimo adieri ri Were, aka abino weyo jo bedo kodan. Jono ma jotimo adieri kicutho, ama jobino tiyo ran.

⁷ Ongoye jatwodo ma labedo i ot paran, ongoye jarendirok ma bino doŋ ruwaŋan.

⁸ Kisi odikin abino reyo woko, jokidakana i piny mawan, abino riemo jono je ma jotimo gimarac, i tindi madwoŋ pa Rwoth.