Yosuwa 12 - KITAWO MALEŊ Catholic

Kerin ma Musa okengila

¹ Me a kerin ma piny ma Joisiraili jokengila, to jokwanyo lowo pajo yombo Yordan yuwok ceŋ, wok i milelo ma Arinon tundo i Got Hamon, gi Araba parom yuwok ceŋ:

² Sihon kere pa Joamor m'obedo i Hesibon, aka odhumo wok Arower, manitie i thengi milelo ma Arinon, aka wok i dier milelo tundo kiri i malawa Yabok, kew pa Joamon, ma nyutho ni, adec ma Giliad,

³ kodi Araba kidho i Nam ma Kineroth yuwok ceŋ, kodi i yo ma kidho Bethyesimoth, gi i nam ma Araba, nam ma cumbi, yupiny ma tiendi got Pisiga;

⁴ aka Og kere ma iy'adec ma Basan, acel kwoŋ joma joboth ma Refayim, m'obedo i Asiteroth kodi i Edirey

⁵ aka m'odhumo wi Got Hamon kodi Salaka kodi Basan parom tundo i kew pa Jogesur kodi apa Jomakath kodi i wi adec ma Giliad tundo i kew pa Sihon kere ma Hesibon.

⁶ Musa, ŋeca pa Rwoth, kodi Joisiraili jokengila jo; to Musa ŋeca pa Rwoth, miyo jonono pa Ruben lowo pajo gi jonono pa Gad kodi adec ma nono pa Manase, ni wobedi gipajo.

Kerin ma Yosuwa okengila

⁷ Me a kerin ma piny ma Yosuwa kodi Joisiraili jokengila yuthenge ma yupodho ceŋ ma Yordan, wok i Balgad i milelo ma Lebanon tundo i Got Halak, ma kadho yu Edom to Yosuwa miyo lowo pajo ri nonin ma Isiraili paka gipajo cungo kwoŋ pok pajo,

⁸ i piny matendere, i lowo m'opiele, i Araba, i kamaloro, i thim, kodi yupiny, lowo pa Johiti, Joamor, Jokanan, Joperiz, Johivi, kodi Joyebus:

⁹ Kere ma Yeriko, acel; kere ma Ay, m'oluwere gi Bethel, acel;

¹⁰ kere ma Yerusalem, acel;

¹¹ kere ma Hebron, acel; kere ma Yarmuth, acel; kere ma Lakis, acel;

¹² kere ma Egilon, acel; kere ma Gezer, acel;

¹³ kere ma Debir, acel; kere ma Geder, acel;

¹⁴ kere ma Horima, acel; kere ma Aradi, acel;

¹⁵ kere ma Libina, acel; kere ma Adulam, acel;

¹⁶ kere ma Makeda, acel; kere ma Bethel, acel;

¹⁷ kere ma Tapuwa, acel; kere ma Hefer, acel;

¹⁸ kere ma Afek, acel; kere ma Lasaron, acel;

¹⁹ kere ma Madon, acel; kere ma Hazor, acel;

²⁰ kere ma Simiron Meron, acel; kere ma Akisaf, acel;

²¹ kere ma Tanak, acel; kere ma Megido, acel;

²² kere ma Kedes, acel; kere ma Yokineam Kamel, acel;

²³ kere ma Dor i kam'oŋawere ma Dor, acel; kere ma Goyim tundo i Galili, acel;

²⁴ kere ma Tiriza, acel: Je oyido nitie kerin piero adek g'acel.