Isaya 4 - KITAWO MALEŊ Catholic

¹ Mon abirio jolamako jacwo acel i ndelo no, ka jowaco ni, “Walacamo cemo mawan won to waruko nangin mawan won, nyaka weyi walwoŋere gi nyingin, kwany woko wickwot mawan.”

Dwoŋ pa Yerusalem ma yuwaŋe

² I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

³ Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

⁴ ka Rwoth otieko lwoko woko cilo pa nyar Zayon to cido woko remo m'oduwo Yerusalem i diere mere gi cuny ma thumo banja kodi cuny maliel.

⁵ Nyaka Rwoth lacweyo i kabedo ma Got Zayon niye gi cokirok mere pondeponde odieceŋ gi yiro kodi mac maliel wor. Dwoŋ pa Were laumo to kwonga tindi madwoŋ gibe.

⁶ Labedo tipo ma bwok kwoŋ lietho m'odieceŋ, kapondo gi kabwok kwoŋ asur gi koth.