Hoseya 3 - KITAWO MALEŊ Catholic

Hoseya gi dhako ma kigenere

¹ Rwoth owaco ran kendo ni, “Kadhi, imiti dhako ma weco gi ŋatiman aka jacot. I nger acel won bende paka Rwoth omito Joisiraili, kada jowire ri werin man aka jocamo mugat m'othol m'olam gine jwogi.”

² Ameno anyewo go gi siringi apar g'abic ma feza kodi kilo 140 ma bale.

³ T'awaco rigo ni, “Iripo doŋ paka aparan ma ndelo kweth; Ikir'itim kidakana, ikir'inindi gi jacwo man, kosa gi an won.”

⁴ Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

⁵ Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.