Cakirok 10 - KITAWO MALEŊ Catholic

Nyikway wot Nowa

¹ Me nyikway wot Nowa. Jadek jolimo wot jo rumacen ma pi mikula.

² Wot Yafeth oyido; Goma, Magog, Maday, Yavan, Tubal, Mesek, kodi Tiras.

³ Wot Goma oyido; Asikenaz, Rifath kodi Togarma.

⁴ Wot Yavan oyido; Elisa, Tarsis, Kitim, kodi Dodanim.

⁵ Jo jobedo kwari ji ma jobedo i thengi pi kodi i kigoda. Me nyikway Yafeth, jobedo ji ma nono pajo opokere gi piny pajo, aka joluwo dhodhok m'opokere.

⁶ Wot Ham oyido; Ethopiya, Misir, Libia, kodi Kanan.

⁷ Wot Ethopiya oyido; Seba, Havila, Sabita, Rama, kodi Sabiteka. Wot Rama oyido; Seba kodi Dedan.

⁸ Ethopiya oyido ba Nimrod m'obedo jadwar matek marapena i piny.

⁹ Gi kony pa Rwoth go oyido obedo jadwar madwoŋ, aka am'omiyo ji jowaco ni, “Weyi Rwoth wolokin jadwar madwoŋ paka Nimrod!”

¹⁰ Cakirok ma ker pere oyido obedo Babel, Erek, kodi Akad, joje i lowo ma Sinar (Babilon).

¹¹ Wok i lowo no okidho Asiria aka ogeto tindi madongo Ninivi, Rehoboth Ir, Kala,

¹² kodi Resen manitie i dier Ninivi kodi tindi madwoŋ swa Kala.

¹³ Misir obedo ba Ludim, Anamim, Lehab, Nafituhim,

¹⁴ Pathirusim, Kasluhim ma Jofilistia jowok, kodi Kafitorim.

¹⁵ Wot Kanan oyido; Sidon okayo pere kodi Heth,

¹⁶ Joyebus, Joamor, jo Girigac,

¹⁷ Johivi, Joarikit, Josinit,

¹⁸ Joarivad, Jozerama, kodi Johamath. Rumacen nonin ma Kanan m'opokere joywere woko

¹⁹ cuka adec pajo otundo wok Sidon yupiny Gerar cegin gi Gaza, kodi yuwok ceŋ kidho Sodom, Gomora, Adama, kodi Zeboyim cegin gi Lasa.

²⁰ Me wot Ham gi pecin pajo, dhodhok pajo, lowo pajo, kodi piny pajo.

²¹ Semu omin Yafeth makayo ma bende ba nyithindho pa Eber, onywol rigo nyithindho man.

²² Wot Semu oyido; Elam, Asur, Aripakisadi, Lud, kodi Aram.

²³ Wot Aram oyido; Uz, Hul, Gether, kodi Masi.

²⁴ Aripakisadi obedo ba Sela, aka Sela obedo ba Eber.

²⁵ Eber olimo wote ario; Peleg rupiri onywol go i ndir ma piny oyido otiakere, aka omin go oyido ilwoŋo ni Jokitan.

²⁶ Jokitan obedo ba Almodad, Selef, Hazarimaveth, Jera,

²⁷ Hadoram, Uzal, Dikila,

²⁸ Obal, Abimel, Seba,

²⁹ Ofir, Havila, kodi Yobab. Joje oyido wot Yoktan.

³⁰ Adec ma jobed'iye ocako Mesa yo Sefari kiri i piny matendere yuwok ceŋ.

³¹ Me wot Semu gi pecin pajo, dhodhok pajo, lowo pajo, kodi piny pajo.

³² Me je pecin pa wot Nowa, cungo kwoŋ bacere pajo, i piny pajo; aka wok kwoŋ jo nonin oywore i piny rumacen ma mikula.