Zaburi 98 - MUMA MALER 2015

Wer mipakogo tim makare mar Nyasaye

¹ Weruru wer manyien ni Ruoth Nyasaye, nimar osetimo gik malich miwuoro, kendo oselocho gi tekone maler.

² Ruoth Nyasaye ne onyiso ji ni oselocho, mi ne omiyo ogendini ong’eyo ratiro kaka oreso ji.

³ Orito singruok mane otimo kod jo-Israel, gi adiera, konyisogo ni oherogi gi hera mosiko. Ji duto oseneno resruok moa kuom Nyasachwa.

⁴ Un ji duto modak e piny, weruru ni Ruoth Nyasaye gi ilo. Ee, pakeuru gi wer, kukok gi mor.

⁵ Weruru ni Ruoth Nyasaye wende pak gi thum. Adier, gouru thumbe mamit,

⁶ kaachiel gi asili kod tung’, kukok gi ilo e nyim Ruoth Nyasaye ma ruodhwa.

⁷ In nam, wuo, kaachiel gi gik moko manie iyi. To in piny, kod ji duto modak e iyi, weruru.

⁸ Un nembe madongo, pamuru, kendo un gode, weruru gi ilo kanyakla ni Ruoth Nyasaye,

⁹ nimar obiro mondo orit piny. Adier, obiro rito ogendini duto mae piny gi bura makare kod adiera.