Zaburi 97 - MUMA MALER 2015

Loch kod teko mar Nyasaye

¹ Ruoth Nyasaye e ruoth adier! In piny, bed mamor! Un pinje manie dier nam, bende beduru gi ilo.

² Boche polo gi mudho molil olworo Ruoth Nyasaye, kendo lochne otenore kuom tim makare kod adiera.

³ Mach otelo e nyime, kendo wang’o wasike koni gi koni.

⁴ Mil polo mare menyo piny ngima, kendo ka piny onene, to yiengni.

⁵ Gode leny nono ka odok e nyim Ruoth Nyasaye ma ruodh piny duto.

⁶ Polo hulo timne makare, kendo ogendini duto neno duong’ne maler.

⁷ Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

⁸ Jo-Sayun mor, kendo joma odak e miech Juda nigi ilo, nikech buche ming’ado, yaye Ruoth Nyasaye.

⁹ A Ruoth Nyasaye Maduong’ Moloyo, in ruodh piny ngima, kendo iduong’ moloyo nyiseche mamoko duto.

¹⁰ A Nyasaye, ihero joma mon gi richo. Irito ngima jogi, kendo iresogi e lwet joricho.

¹¹ Ler rieny kuom joma kare, kendo mor mana ni kuom joma beyo.

¹² Un joma kare duto, beduru gi ilo, kendo pakuru Nyasaye kuom gik mosetimo.