Zaburi 93 - MUMA MALER 2015

Duong’ mar Nyasaye

¹ Ruoth Nyasaye e ruoth adier! Orwakore gi duong’ mar loch, kendo oumore gi teko, mana ka nanga. Adier, piny ogurore motegno, kendo ok nyal ng’ingni.

² A Ruoth Nyasaye, kom duong’ni osebedo mogurore nyaka chon, kendo intie nyaka nene!

³ Kude mag nam walo, yaye Ruoth Nyasaye. Ee, giwalo kendo giwuo.

⁴ Ruoth Nyasaye man malo ng’ongo! Oduong’ moloyo wuo mar nam, kendo en gi teko moloyo apaka.

⁵ A Ruoth Nyasaye, chikeni osiko, kendo Hekalu mari ler ahinya nyaka chieng’.