Zaburi 87 - MUMA MALER 2015

Gueth miyudo kuom dak Sayun

¹ Nyasaye nogero dalane e gode maler.

² Ohero dala Jerusalem moloyo miech nyikwa Jakobo mamoko duto.

³ In dala Nyasaye, winji gik mabeyo miwuoro ma owacho kuomi.

⁴ “Ka akwano ogendini moyie kuoma, to anakwan koda ka jo-Misri gi jo-Babulon, kendo ananyis jo-Filistia gi jo-Turo kod jo-Ethiopia ni gin bende gin jo-Jerusalem.”

⁵ Kuom Sayun to ji duto nowachie niya, “En min ogendini duto, kendo Ng’ama Duong’ Moloyo biro miyo ogurore motegno.”

⁶ Ruoth Nyasaye nondikie nying ji duto ma e piny, kendo enokwan-gi ka jo-Jerusalem.

⁷ Ji duto nower kendo nomiel, ka wacho niya, “Sokni mawa duto wuok mana kuomi.”