Zaburi 82 - MUMA MALER 2015

Wer mikwerogo jong’ad buch amwor

¹ Nyasaye e jakom e buch polo, kendo oyalo kata mana nyiseche mamoko.

² Owachonigi niya, “Nyaka uwe ng’ado buch amwor, bende nyaka uwe chwako joma richo.

³ Ng’aduru bura kare ni joma odhier kod nyithi kiye, kendo konyuru jochan gi joma ok nyal konyore kendgi.

⁴ Ee, resgiuru e lwet joma timbegi richo.

⁵ Mano kaka umemoru, kendo mano kaka ufuwo! Uwuotho mana e mudho, kendo adiera manie piny oselal.

⁶ Ne awachonu ni un nyiseche, kendo un duto un yawuot Ng’ama Duong’ Moloyo.

⁷ To ubiro tho mana kaka ji duto tho, kendo ngimau norum mana ka ngima ruoth moro amora.”

⁸ A Nyasaye, bi mondo irit piny gi adiera, nimar ogendini duto gin magi.