Zaburi 70 - MUMA MALER 2015

Lemo mar kwayo konyruok

¹ A Nyasaye, resa! Reti piyo mondo ikonya, yaye Ruoth Nyasaye.

² We joma dwaro ketho ngimana wigi okuodi, mi ng’eng’ nono, bende jogo ma giyo ka mor ni ahinyora, onego dwok chien ka wigi okuot.

³ Ee, joma goyona siboigo onego odhier nono nikech ologi.

⁴ To ji duto mabiro iri onego bed mamor kendo mail. Onego ji duto mohero warruok maa kuomi wach pile niya, “Mano kaka Nyasaye duong’!”

⁵ An jachan kendo ok anyal yudo kaka akonyora, omiyo yie ibi ira piyo, yaye Nyasaye. In e jakonyna kendo jawarna. A Ruoth Nyasaye, kik ideki!