Zaburi 67 - MUMA MALER 2015

Wer mijiwogo Ogendini mondo opak Nyasaye

¹ A Nyasaye, kechwa mondo iguedhwa, kendo rangwa gi ng’wono.

² Eka mondo piny duto ong’e yoreni, kendo ogendini duto bende ong’e teko miseresogo ji.

³ A Nyasaye, onego ogendini duto paki. Adier, ogendini duto mondo opaki!

⁴ Onego ogendini duto bed mamor, kendo wer gi ilo, nikech ing’adonigi bura gi adier, kendo itelonigi duto.

⁵ A Nyasaye, onego ogendini duto paki. Adier, ogendini duto mondo opaki!

⁶ Piny osechiek maber! Nyasaye ma Nyasachwa oseguedhowa.

⁷ Ee, Nyasaye oseguedhowa adier, omiyo ji duto onego omiye luor, kamoro amora ma gidakie.