Zaburi 6 - MUMA MALER 2015

Lemo mikwayogo konyruok e kinde mar chandruok

¹ A Ruoth Nyasaye kik ikweda kikecho. Ee, kik ikuma ka in gi mirima.

² Yie ikecha, nikech aol. Duogna teko, nimar arumo ka bend dak,

³ kendo chunya chandore malit. A Ruoth Nyasaye, ibiro ling’ nyaka karang’o?

⁴ Bi mondo iwara! Yie iresa e tho, nikech herani mosiko.

⁵ Piny Joma Otho ok parie. Onge ng’ama nyalo paki kuno.

⁶ Kuyo osebara ndasi. Otieno ka otieno, pi wang’a opong’o kitandana.

⁷ Wengena oowore nikech ywak malit, omiyo ok anyal neno maber. Magi duto timore nikech wasika!

⁸ Auru kuoma, un joricho duto, nimar Ruoth Nyasaye osewinjo ywakna.

⁹ Ee, osewinjo ka akwaye mondo okonya.

¹⁰ Wasika duto biro yudo wichkuot, kendo gibiro chandore malit. Gibiro dok chien apoya ka gikia kuma gidhiye.