Zaburi 54 - MUMA MALER 2015

Lemo mar geng’o wasigu

¹ A Nyasaye, resa gi tekoni, kendo ng’ad bura ma nyiso ni aonge ketho.

² Winj lemona, yaye Nyasaye, kendo chik iti ni wechena.

³ Josunga biro mondo omonja. Ee, jokwinyo dwaro nega. Gin ji ma ok dew Nyasaye.

⁴ An to, ang’eyo ni Nyasaye e jakonyna. Adier, Ruoth ema rito ngimana.

⁵ Richo wasika onego odog e wigi giwegi! A Ruoth Nyasaye, tiekgi nikech in jaadiera.

⁶ A Ruoth Nyasaye, abiro timoni misango gi mor, kendo abiro goyoni erokamano, nikech iber.

⁷ Iseresa kuom thagruokna duto, kendo aseneno ka olo wasika kaka chunya dwaro.