Zaburi 53 - MUMA MALER 2015

Fup dhano gi richone

¹ Joma ofuwo wacho e chunygi niya, “Nyasaye ongee!” Giduto gin joma okethore, kendo gisetimo gik maricho miwuoro. Onge kata ng’at achiel matimo gima ber!

² Nyasaye rango ji gie polo, mondo one ane ka nitie joma riek kendo malame.

³ To giduto giseweye, kendo gisedwanyore mana maromre. Onge kata achiel kuomgi matimo tim makare.

⁴ Nyasaye penjo niya, “Joma timbegi richogi onge gi rieko koso? Gichamo joga ka joma chamo kuon, to ok gilama ngang’!”

⁵ To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

⁶ Mad jo-Israel yud resruok moa Sayun! Nyikwa Jakobo nobed mamor, e kinde ma Ruoth Nyasaye nochak omi joge dhi nyime maber. Ee, jo-Israel nobed moil!