Zaburi 20 - MUMA MALER 2015

Lemo mar locho

¹ Ruoth Nyasaye mondo owinj ywakni e kinde ma inie chandruok. Nyasach Jakobo mondo oriti,

² kendo ooroni kony gie Hekalu mare. Ee, omiyi kony gie got Sayun.

³ Onego oyie gi chiwo magi duto, kendo obed mamor gi misengni duto mitimo.

⁴ Onego omiyi gik moko duto ma chunyi dwaro, kendo omi yoreni duto dhi maber.

⁵ Eka wanago koko gi mor nikech iseloyo lweny, kendo wanabed moil kwapako Nyasaye. Onego Ruoth Nyasaye winj kwayoni duto!

⁶ Koro ang’eyo ni Nyasaye osekonyo ruoth moyiero mowir, kendo ni osedwoke gie polo malo, kokonye gi tekone maduong’ mondo olochi.

⁷ Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

⁸ Joma kamago biro chwanyore, mi podhi, to wan wabiro a malo mi wachung’ motegno.

⁹ A Ruoth Nyasaye, kony ruodhwa, kendo dwokwa kwaluongi.