Zaburi 149 - MUMA MALER 2015

Oluong jo-Israel mondo opak Nyasaye

¹ Pakuru Ruoth Nyasaye! Werneuru wer manyien, kendo dendeuru e chokruok mar joge.

² A Israel, bed mamor nikech jachuechni. Ee, beduru gi ilo, un jo-Sayun, nikech Ruodhu.

³ Denduru nyinge ka umiel. Adier, gouru bul kod thum, kupakego,

⁴ nimar Ruoth Nyasaye ohero joge. Oting’o joma obolore malo, komiyo gilocho.

⁵ Jo-Nyasaye mondo obed mail kuom locho, kendo giwer gi mor e sewni maggi.

⁶ Onego gikog matek ka gipako Nyasaye, kendo ka gimako ligengni mabitho e lwetgi,

⁷ mondo gigolgo ogendini mamoko, kendo gikumgi.

⁸ Bende mondo gitue ruodhi jogo kod jotendgi gi nyororo,

⁹ kendo gikumgi mana kaka Nyasaye osechiko. Mano e mor mar jo-Nyasaye! Pakuru Ruoth Nyasaye.