Zaburi 14 - MUMA MALER 2015

Fup dhano gi richone

¹ Joma ofuwo wacho e chunygi niya, “Nyasaye ongee.” Giduto gin joma okethore, kendo gisetimo gik maricho miwuoro. Adier, onge kata ng’at achiel matimo gima ber!

² Ruoth Nyasaye rango ji gie polo, mondo one ane ka nitie joma riek kendo malame.

³ To giduto gisebayo yo, kendo gisedwanyore mana maromre. Onge ng’ato kuomgi matimo maber. Ooyo! Onge kata mana ng’at achiel.

⁴ Ruoth Nyasaye penjo niya, “Joma timbegi richo dutogi ok ong’eyo gimoro koso? Gimwonyo joga ka joma mwonyo kuon, to ok ginyal lama ngang’!”

⁵ To kihondko biro makogi, nikech Nyasaye mana nigi jogo ma oluore.

⁶ Gidwaro ketho cheno mag ng’at makare, to Nyasaye ema rite.

⁷ Mad jo-Israel yud resruok moa Sayun! Nyikwa Jakobo nobed mamor, e kinde ma Ruoth Nyasaye nochak omi joge dhi nyime maber. Ee, jo-Israel nobed moil.