Zaburi 137 - MUMA MALER 2015

Ywak jo-Israel e tuech Babulon

¹ Ne wabet piny e bath aore mag Babulon, mi waywak ka waparo Sayun.

² Ne wang’awo thumbewa e yien man kanyo.

³ Joma ne omakowa ne owachonwa mondo wawernigi wend Sayun.

⁴ To ere kaka dwawer wend Ruoth Nyasaye e piny jomoko nono?

⁵ Kapo ni wiya nyalo wil kodi, yaye Jerusalem, to onego bada ma agoyogo thum, tal.

⁶ Ee, ka ok apari, kendo ka ok aparo ni in e morna maduong’, to lewa mondo omok e danda!

⁷ A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”

⁸ In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!

⁹ Ee, ng’at mokawo nyithindi, mochwado e lwanda, en jahawi!