Zaburi 130 - MUMA MALER 2015

Geno warruok moa kuom Nyasaye

¹ A Ruoth Nyasaye, anie chandruok malit! Winj ywakna!

² Yie iwinj dwonda, kendo chik iti ni ywak maywaknigo mondo ikonya.

³ Ka da bed ni isiko kiparo richo ma ji timo, to ere ng’ama dichung’ e nyimi?

⁴ To in ing’wononwa, omiyo waluori.

⁵ Arito Ruoth Nyasaye gi chunya duto, kendo ageno kuom wachne.

⁶ Chutho, arito Nyasaye kaketo chunya, moloyo kaka jarit rito ru piny.

⁷ Un jo-Israel, genuru kuom Ruoth Nyasaye, nikech herane osiko, kendo pile oikore ahinya mar reso ji.

⁸ Obiro waro joge Israel kuom richogi duto.