Zaburi 13 - MUMA MALER 2015

Lemo mikwayogo Nyasaye mondo okel kony

¹ A Ruoth Nyasaye, wiyi biro wil koda chutho nyaka karang’o? Koso pod ibiro lalna kuom kinde marom nadi?

² Pod abiro bet kathagora gi rem nyaka karang’o’ ka kuyo opong’o chunya odiechieng’ gotieno? Wasika nobed gi loch kuoma nyaka karang’o?

³ A Ruoth Nyasacha, ranga mondo idwok kwayona. Dwokna tekona mondo kik atho,

⁴ nikech dipo ka wasika owacho ni, “Waseloye!” Mi gibed mamor ni asepodho.

⁵ To an ageno kuom herani mosiko. Abiro bedo mamor nimar isewara.

⁶ Abiro wer ni Ruoth Nyasaye, nimar osebedona mang’won.