Zaburi 129 - MUMA MALER 2015

Lemo mikwayogo mondo olo wasik Israel

¹ In Israel, hul kaka wasiki osesandi malit, chakre tinni.

² “An Israel, wasika osesanda malit chakre tinna, to pok giloya.

³ Ne ging’ado dieng’eya achadha marach, mi giloke mana ka puodho mopur.

⁴ To Ruoth Nyasaye ma timne kare, osechodo tonde mane joricho osetueyago.”

⁵ Mad lo jogo duto ma mon gi Sayun, mi riembgi ka wigi okuot, kendo dwokgi chien!

⁶ Onego gichal gi lum matwi e tat ot, to two kapok ong’adi.

⁷ Onge ng’ama choke kata matueye wiye wiye.

⁸ Kamano ji makadho ok nyal wachonigi niya, “Waguedhou e nying Ruoth Nyasaye.” Kata ni, “Onego Ruoth Nyasaye guedhu.”