Zaburi 128 - MUMA MALER 2015

Gueth miguedhogo ng’at moluoro Ruoth Nyasaye

¹ Ng’ato ka ng’ato moluoro Ruoth Nyasaye, kendo marito chikene, en jahawi.

² Iniyud gik moko duto misetiyonigi, bende inidhi maber, kendo inibed mamor.

³ Chiegi nochal gi yadh mzabibu manyago olemo mang’eny e dalani, kendo e sa ma yawuoti olworo mesa ka chiemo, to ginichal gi yiend zeituni maloth.

⁴ Adier, ng’at moluoro Ruoth Nyasaye, noguedh mana kamano!

⁵ Onego Ruoth Nyasaye guedhi gie Sayun, e kinde duto mag ngimani.

⁶ Onego idag aming’a, mondo ine nyikwayi. Israel mondo obed gi kue!